दाङ, साउन १९ । रोल्पामा पहिरोले घर पुर्दा दुई जना बेपत्ता भएका आशंका गरिएको छ ।
जिल्लाको सुनछहरी गाउँपालिका – ४ कामी डाँडामा २४ बर्षीय देउसिंह कामीको घर पहिरोले पुर्दा दुई जनालाई पुरेको आशंकामा खोजी कार्य भइरहेको छ ।
पहिरोले देउसिंहकी आमा र ४ बर्षीया छोरीलाई पहिरोले पुरेको खबर स्थानीयले गरेपछि खोजी तथा उद्धारका लागि प्रहरी पुगेको छ ।
रोल्पाका प्रहरी प्रबक्ता केशबराज बाराकोटीका अनुसार घटनास्थलमा फोन सम्पर्क नहुँदा हुँदा थप अपटेड प्राप्त हुन नसकेको बताए । घटनास्थलदेखि आधा घन्टा माथिको पैदल यात्रा पछि मात्रै फोन सम्पर्क हुने हुँदा प्रहरी र स्थानीयले त्यहाँको अवस्था बारे राति नै सूचना दिएपनि थप जानकारी प्राप्त नभएको जानकारी दिए ।
‘पहिरोले एउटा घर पुरै पुरेको भन्ने छ,’ उनले भने ‘ प्रहरी र स्थानीयले मिलेर खोजी तथा उद्धारको प्रयास जारी राखेको छन् ।’
प्रकाशित मिति : २०८१ साउन १९ गते शनिवार
