तुलसीपुर, साउन १४ । दाङमा श्रीमतिको हत्या आरोपमा एक जना पक्राउ परेका छन् ।
पक्राउ पर्नेमा राजपुर गाउँपालिका – १ रसरीका ३८ बर्षीय गणेश घर्ती छन् । घर्तीले आफ्नै श्रीमति ३७ बर्षीया वशन्ती घर्तीको हत्या गरेको पाइएपछि पक्राउ गरिएको जिल्ला प्रहरी प्रबक्ता डिएसपी रामप्रशाद तिमल्सिनाले बताए ।
छिमेकीले सोमबार बिहान ९ बजेसम्म पनि घर्तीको घरको ढोका नखुलेपछि प्रहरीलाई खबर गरेका थिए । त्यसपछि इलाका प्रहरी कार्यालय गढवा र प्रहरी चौकी बेलाबाट खटिएको टोलीले ढोका खोलेर हेर्दा वशन्तीको हत्या भएको अवस्थामा शब फेला पारेको थियो ।
हत्या आरोपी श्रीमान गणेशपनि घर भित्रै बसेको अवस्थामा प्रहरीले तत्काल नियन्त्रणमा लिएको थियो ।
रडले टाउको लगायत बिभिन्न भागमा प्रहार गरि श्रीमान गणेशले श्रीमति वशन्तीको हत्या गरेको प्रहरीले बताएको छ ।
घटनाबारे थप अनुसन्धान जारी रहेको प्रहरीले बताएको छ ।
