तुलसीपुर, साउन १३ । तुलसीपुरमा अटोले ठक्कर दिदा एक किशोरी घाइते भएकी छन् ।
तुलसीपुर उपमहानगरपालिका – १० गोलौराकी १६ बर्षीया ललिता बिकको अटोको ठक्करबाट बाँया खुट्टा भाँचिएको इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक प्रकाश थापाले जानकारी दिए ।
घाइते बिकको तुलसीपुृरस्थित राप्ती प्रादेशिक अस्पतालमा प्रारम्भीक उपचार पछि थप उपचारका लागि सिटी हस्पिटल तुलसीपुरमा रिफर गरि उपचार भइ रहेको प्रहरी निरीक्षक थापाले बताए ।
पैदल हिडिरहेकी बिकलाई तुलसीपुर – १२ रझेना नजिकै आइतबार दिउँसो २ बजेतिर तुलसीपुर बजार तर्फ आउँदै गरेको रा १ ह ६६०६ नम्बरको अटोले ठक्कर दिएको थियो ।
अटो चालक तुलसीपुपर – १२ का उरहरीका निश्चल बस्नेतलाई प्रहरीले नियन्त्रणमा लिएको छ ।
घटनाबारे अनुसन्धान जारी रहेको प्रहरीले बताएको छ ।
प्रकाशित मिति : २०८१ साउन १३ गते आइतवार
