तुलसीपुर , असार १९ । बबइ नदीमा आएको बाढीले बगाउँदा तुलसीपुरमा एक महिला बेपत्ता भएकी छन् ।
तुलसीपुर उपमहानगरपालिका – १४ मटेराकी १९ बर्षीया संझना चौधरीलाई बुधबार बिहान बबइ तर्ने क्रममा बगेर बेपत्ता भएकी हुन ।
जिल्ला प्रहरी प्रमुख एसपी रामबहादुर केसीका अनुसार बबइ पारी आफन्त कहाँ जान खोजेकी चौधरीलाई बाढीले बगाएर बेपत्ता पारेको हो ।
बेपत्ता संझना स्थनीय २० बर्षीय रोशन चौधरीको श्रीमति रहेको तथा उनको खोजी कार्य स्थानीय र प्रहरी मिलेर गरि रहेका छन् ।
चौधरीको खोजीका लागि इलाका प्रहरी कार्यालय तुलसीपुरबाट प्रहरी निरीक्षक प्रकाश थापाको कमाण्डमा ७ जनाको टोली र इप्रका मलवारबाट प्रहरी नायव निरीक्षक गणेशबहादुर सिंहको कमाण्डमा तीन जनाको टोली खटिएको छ ।
प्रकाशित मिति : २०८१ असार २० गते बुधवार
