दाङ, असार १८ । बाँके प्रहरीले अफिमसहित दुइ युवालाई पक्राउ गरेको छ ।
जाजरकोट जिल्लाको शिवालय गाउँपालिका – ७ भिउस घर भइ हाल बर्दिया जिल्लाको बाँसगढी नगरपालिका – ९ माछागड बस्ने ५५ बर्षीय रामबहादुर शाही र जाजरकोट बारेकोट गाउँपालिका – ८ सेपुखोलाका ३५ बर्षीय पूर्णबहादुर बिक पक्राउ परेका छन् ।
बाँकेका प्रहरी प्रबक्ता डिएसपी नारायण डाँगीका अनुसार इलाका प्रहरी कार्यालय कोहलपुरबाट खटिएको टोलीले शंका लागेर चेकजाँच गर्ने क्रममा कोहलपुर नगरपालिका – १४ हवल्दारपुरबाट पक्राउ गरेको थियो ।
बिकले बोकेको झोलामा ५ केजी ८६५ ग्राम अफिम फेला परेको थियो ।
घटनास्थलबाट शाहीले प्रयोग गरेको कर्णाली प्रदेश ०२–००२ प ११८६ नम्बरको मोटरसाइकलसमेत बरामद गरिएको डिएसपी डाँगीले बताए ।
उनीहरुलाई सोमबार नियन्त्रणमा लिइएको प्रहरीले बताएको छ ।
जिल्ला अदालत बाँकेबाट घटना अनुसन्धान गर्न मंगलबार पाँच दिन म्याद थप भएको प्रहरीले बताएको छ ।
