दाङ, असार १७। सर्लाही जिल्ला अदालतले रामबहादुर बमजनलाई १० वर्ष कैद सजाय सुनाएको छ।
बाल यौन दुरूपयोग मुद्दामा जिल्ला अदालतले बमजनलाई त्यस्तो सजाय सुनाएको हो ।
जिल्ला न्यायाधीश जिवनकुमार भण्डारीको इजलासले बमजलाई दोषी ठहर गर्दै सोमबार १० वर्ष कैद सजाय र बालिकालाई ५ लाख क्षतिपूर्ति दिलाउन फैसला सुनाएको हो।
रौतहटकी गंगामाया तामाङले चारवर्षअघि १४ वर्षकी हुँदा बमजनले आफूलाई बलात्कार गरेको भन्दै जाहेरी दिएकी थिइन । त्यसको आधारमा अनुसन्धान प्रतिबेदन तयार पारी प्रहरीले सरकारी वकिल कार्यालयमा बुझाएको थियो । त्यसैको आधारमा मुद्दा चलेको थियो ।
बमजनले आँफुलाई ‘लिटिल बुद्ध’ दाबी गर्दै आएका थिए ।
त्यही दाबीका साथ उनी सर्लाही, सिन्धुली, सिन्धुपाल्चोक, बारा लगाएतका विभिन्न जंगलभित्र आश्रम खोलेर बस्दै आएका थिए ।
प्रकाशित मिति : २०८१ असार १८ गते सोमवार
