दाङ,असार १६ । दाङमा गुडीरहेको अटोबाट खस्दा एक जनाको मृत्यु भएको छ ।
खैरा कोठरी सडकखण्डको घोराही ९ अस्पारामा गुडीरहेको अटोबाट खस्दा घोराही १० नारायणपुरका ६० वर्षका वसन्तबहादुर घर्तिको मृत्यु भएको इलाका प्रहरी कार्यालय नारायणपुरले जनाएको छ ।
खैराबाट कोठरी जाँदै गरेको रा १ ह ५०८८ नम्बरको अटोबाट खसेर घाइते घर्तिको राप्ती स्वास्थ्य विज्ञान प्रतिष्ठान घोराहीमा उपचारका क्रममा मृत्यु भएको प्रहरीले जनाएको छ ।
अटो र चालकलाई प्रहरीले नियन्त्रणमा लिएको छ ।
प्रकाशित मिति : २०८१ असार १७ गते आइतवार
