हेमन्त प्रकाश वली, दाङ, जेठ २ । नेत्रविक्रम चन्द –विप्लव) नेतृत्वको नेपाल कम्युनिस्ट पार्टी दाङले राजपुरका आगलागी पीडित सर्वसाधारणका घर टहरा बनाउन कार्यकर्ता खटाएको छ ।
बुधबारदेखि तीन दिनसम्म २५ जना कार्यकर्ता अग्नी पीडितका घर टहरा निर्माणका लागि खटिने भएका छन् ।
नेकपाका केन्द्रीय सदस्य एवम दाङ जिल्ला इन्चार्ज सविनले निस्वार्थ रुपमा जनताको सेवा गर्न आग्रह गरे ।
उनले राजनीति जनताको सेवाका लागि हुनुपर्ने बताएका थिए ।
श्रम शिविरमा लमही , घोराही , तुलसीपुर र शान्तिनगरबाट करिव २५ जना नेता कार्यकर्ता सहभागी हुने छन् । नेकपा दाङले राजपुर – ७ हाटवासका आगलागी पीडितका लागि नगद राहत २८ हजार पाँच सय रुपैँया हस्तान्तरण गरि सकेको छ ।
प्रकाशित मिति : २०८१ जेष्ठ २ गते बुधवार
