तुलसीपुर,पुस २६ । श्री पशुपति महिला बचत तथा ऋण सहकारी संस्थाको १६ औं वार्षिकोत्सव तथा पाँचौ अधिवेशन सम्पन्न भएको छ ।
बिहीबार तुलसीपुरमा एक कार्यक्रमको बिच अधिवेशन सम्पन्न भएको हो ।
संस्थाका अध्यक्ष यमूना शाहको अध्यक्षता तथा तुलसीपुर उपमहानगरपालिका वडा नं. ५ का वडाध्यक्ष बिरेन्द्र शाह र जिल्ला सहकारी संस्थाका अध्यक्ष हेमराज गौतम, तुलसीपुर उद्योग वायिाज्य संघका वरिष्ठ उपाध्यक्ष ललितजंग शाह, अधिकारकर्मी शुष्मा गिरी, सहकारी शाखा तुलसीपुरका प्रमुख शुशिला केसी, तुलसीपुर चेम्बर अफ कमर्शका अध्यक्ष टोपबहादुर घर्तीको विशिष्ट आतिथ्यतामा कार्यक्रम भएको थियो ।
कार्यक्रममा बोल्दै प्रमुख अतिथि विरेन्द्र कुमार शाहले स्थानीय तहले वार्षिक रुपमा सहकारी संस्थाको विकासका लागि रकम छुट्याएको भए पनि सहकारी सञ्चालकहरुले पाएको अधिकार समेत लिन नसकेको बताए ।
पछिल्लो समय सहकारीबाट ऋण लिएर ब्याजको लोभमा गैर सदस्यहरुलाई लगानी गर्नेक्रम बढेकाले त्यसको अन्त्य हुनुपर्ने बताए ।
साथै उनले आफ्नो अधिकारले दिएसम्म सहकारी संस्थाहरुको विकासका लागि सहयोग गर्न तयार भएको बताए ।
कार्यक्रममा बोल्ने अन्य वक्ताहरुले सहकारीको बारेमा राम्रो संग नबुझेर कारोबार गर्दा धेरै बचतकर्ताको लगाडी डुबेको बताएका थिए ।
पछिल्लो समय सहकारीमा जम्मा गरेको पैसा निकाल्न पाउँछु कि पाउँदैन भन्ने द्विविधा वचतकर्तामा परेको भन्दै सहकारी राम्रो बनाउन निति, विधि र प्रविधिमा टेकेर अगाडी बढ्न सुझाव दिएका थिए ।
संस्थाका उपाध्यक्ष लक्ष्मी वलीको स्वागत मन्तव्यबाट सुरु भएको कार्यक्रममा संस्थापक अध्यक्ष प्रभा खड्का, सुष्मा गिरी, सुनिता पाण्डे, ललितजंग शाह, शुशिला केसी, हेमराज गौतम, सावित्रा गुरुङ, नारायणी रजौरे, निर्मला गुप्ता, देवा बस्नेत लगायतले बोलेका थिए ।
कार्यक्रममा लेखा प्रतिवेदन सितारा नेपाली र आर्थिक प्रतिवेदन कोषध्यक्ष रेश्मी वलीले प्रस्तुत गरेकी थिइन् ।
६४८ सेयर सदस्य रहेको सहकारीमा बचत संकलन एक करोड ३८ लाख, २३ हजार, २६२ रुपैया ६२ पैसा बचत रहेको कार्यक्रममा जानकारी गराइएको छ ।
उक्त कार्यक्रममा जेष्ठ नागरिक दण्डकुमारी ढकाल, हिरा बादी, पार्वती भुसाल, असल ऋणी गिता बादी रुपा नेपाली, सेयर सदस्य वृद्धिकर्ता सिता निउरे, सारदा केसी र पुस्पा पौडेललाई सम्मान गरिएको थियो ।
कार्यक्रमको सहजीकरण शुशिला भट्टराईले गरेकी थिइन् ।
