दाङ,असोज १८ । नेपालगञ्जमा दिनभरका लागि कर्फ्यु हटाइने भएकाे छ।
आज बिहान ८ बजेदेखि बेलुका ८ बजेसम्म कर्फ्यु हटाइने भएकाे हाे। कर्फ्यु हटे पनि निषेधाज्ञा भने जारी नै रहनेछ।
आज बिहान बसेकाे सुरक्षा समितिकाे बैठकले यस्ताे निर्णय गरेकाे हाे।
आज बेलुका ८ बजेपछि भाेलि बिहान ६ बजेसम्म भने कर्फ्यु जारी गरिने सहायक प्रमुख जिल्ला अधिकारी टाेपेन्द्रबहादुर केसीले जानकारी दिए।
निषेधाज्ञामा जुलुश, भेला, सभा, बैठक गर्न पाइने छैन।
नेपालगञ्जमा मंगलबार दिउँसो १ बजेदेखि यहाँ कर्फ्यु लगाइएको हाे।
कर्फ्युलाई विस्तारै खुकुलो बनाउँदै हटाउन सर्वदलीय सर्वपक्षीय बैठकले सुरक्षा समितिलाई अनुरोध गरेपछि समितिले यस्ताे निर्णय गरेकाे हाे।
प्रकाशित मिति : २०८० असोज १८ गते बिहिवार
