दाङ, असोज १० । घोराहीमा नौ बर्षीया बालिका माथि बलात्कार गरेको आरोपमा ४० बर्षीय एक ब्यक्ति पक्राउ परेका छन् ।
जिल्लाको घोराही उपमहानगरपालिका – १४ भेटनरीका ४० बर्षीय टेकबहादुर बिक पक्राउ परेका हुन ।
पीडित बालिकाको तर्फबाट अभिभावकले प्रहरीमा किटानी जाहेरी दिएका थिए ।
सोमबार दिउँसो बालिकालाई एक्लै फेला पारी बलात्कार पछि बिक फरार रहेका थिए । घटना भएकै दिन प्रहरीले बिकलाई पक्राउ गरेको थियो ।
प्रहरीमा किटानी जाहेरी परेपछि उनलाई पक्राउ गरेको जिल्ला प्रहरी प्रबक्ता डिएसपी जनकबहादुर मल्लले जानकारी दिए ।
घटनाबारे अनुसन्धान जारी रहेको प्रहरीले बताएको छ ।
प्रकाशित मिति : २०८० असोज १० गते बुधवार
