तुलसीपुर , असोज १ । पश्चिम दाङको मलैमा मकैका नल जलाउन बारीमा लगाएको आगोमा परि एक महिला गम्भीर घाइते भएकी छन् ।
जिल्लाको बबई गाउँपालिका – ७ मलै गाउँकी ४५ बर्षीया लिला गिरी आफ्नै बारीमा मकैको नल जलाउन बालेको आगोमा परि गम्भीर घाइते भएकी हुन ।
आइतबार दिउँसो ३ बजेतिर मकै भाँचेपछि नल जलाउन गिरी परिवारले मकै बारीमा आगो लगाएको थियो । छारे रोगीसमेत रहेकी गिरी नल जलाउन बालेको आगोमा एक्कासी परेको र उनको अनुहार तथा खुट्टामा जलेर ठूलो घाउ खत बनेको प्रहरीले बताएको छ ।
घाइते गिरीलाई बेलुका पौने ८ बजे मात्रै तुलसीपुरस्थित राप्ती प्रादेशिक अस्पताल ल्याएको थियो । प्रारम्भीक उपचार पछि गिरीलाई बाँकेको भेरी अस्पतालमा रिफर गरि उपचार भइरहेको प्रहरीले जानकारी दिएको छ ।
प्रकाशित मिति : २०८० असोज १ गते सोमवार
