तुलसीपुर,भदौ १६ । गणपति तेल मिल तुलसीपुरमा आगलागी हुँदा करोडौंको क्षती भएको छ ।
शनिबार बिहान करिब साढे १ बजेको समयमा तेल मिलमा आगो लागेको अनुमान गरिएको छ ।
आगलागीबाट २ करोड भन्दा बढीको क्षती भएको अनुमान गरिएको भएपनी यकिन अझै हुन सकेको छैन ।
आगलागीको कारण अझै नखुलेको भएपनी बिधुत सटकै कारण हुन सक्ने प्रोपाईटर डिल्लीबहादुर बस्नेतले जानकारी दिए ।
आगलागी भएको जानकारी पाए लगतै स्थानीय र आसपासका पानी टंयाकरहरुले आगो नियन्त्रणको प्रयास गरेका थिए ।
झन्डै १ किलोमीटर नजिक रहेको तुलसीपुर उपमहानगरपालिका र त्यहाँबाट द्रुत गतिमा पानी सहित आउनु पर्ने दमकल ढिला पुगेको थियो । जसका कारण आगो नियन्त्रण गर्न निकै सकस भएको थियो ।
पानी बिनाको दमकलमा टंयाकरबाट पानी भरी आगो नियन्त्रण गर्दा केहि समय बढी लागेको बस्नेतले बताए ।
आगो पुर्णरुपमा नियन्त्रणमा लिन झन्डै साढे ४ घण्टा लागेको बताएको छ । तेल मिलको रुपमा यश क्षेत्रमा सबैभन्दा पहिला स्थापना भएको मिल गणपति मिल नै हो ।
