तुलसीपुर,जेठ २७ । दाङमा राप्ती नदीमा डुबेर एक बालकको मृत्यु भएको छ ।
लमही नगरपालिका -४ बड्का घुम्ना बस्ने सुरेश चौधरीका १३ वर्षिय छोरा राहुल चौधरी रहेको वडा प्रहरी कार्यालय लमहीले जानकारी दिएको छ ।
उनी शुक्रवार मध्याह्नको समयमा साथीहरुसँग घर नजिकै रहेको राप्ती नदीमा नुहाउन गएका थिए ।
उनी करिब ५ः३० बजेको समयमा नुहाउँदै गर्दा डुबेका थिए ।
मृतकको शवलाई अहिले पोष्टमार्टमका लागि लमही अस्पतालमा राखिएको छ।
प्रकाशित मिति : २०८० जेष्ठ २७ गते शनिवार
