२०८१ जेष्ठ ११ गते शुक्रवार

बर्षमान पुन दशहजार बढी मतान्तरले अगाडि

रोल्पामा काँग्रेस निल हुने संभावना



दाङ, मंसिर ७। रोल्पामा नेकपा माओवादी केन्द्रका नेता बर्षमान पुन प्रतिष्पर्धी भन्दा दोब्बर बढी मतान्तरले अगाडि पुगेका छन् ।

पछिल्लो मत परिनाम अनुसार पूर्व अर्थमन्त्री पुनले १८२०६ मत प्राप्त गरेका छन् । उनका प्रतिष्पर्धी नेकपा एमालेका पुर्ण बुढाले ७६०८ मत प्राप्त गरेका छन् ।

उनीहरु बीचको मतान्तर १०५९८ रहेको छ । यो २९९७४ मत गणना गर्दाको परिनाम हो । एउटा मात्रै प्रतिनिधिसभा निर्वाचन क्षेत्र रहेको रोल्पामा ६७ हजार २८ मत खसेको थियो ।

यहाँ राप्रपाका लिला रावतले १२३२ र राप्रपा नेपालका रामबहादुर वलीले ४१५ मत प्राप्त गरेका छन् । प्रदेशसभा (क) मा माओबादीका जोखबहादुर महरा बिजयी भइसकेका छन् ।

महराले १९ हजार ४ सय २५ मत प्राप्त गर्दा निकटतम प्रतिस्पर्धी नेकपा एमालेका उम्मेदवार कमल बुढाथोकीले जम्मा ५४०५ मात्रै प्राप्त गरेका थिए। महराले बुढाथोकीलाई १४०२० मतान्तरले पराजित गरेका हुन ।

त्यस्तै प्रदेशसभा (ख) मा स्वतन्त्र उम्मेदवार अगाडि छन् । माओबादी जिल्ला इञ्चार्जबाट राजिनामा दिएका जितेन्द्रकुमार पुन २५१९७ मत गणना हुँदा १०५९१ मतका साथ अगाडि छन् ।

उनका निकटतम प्रतिष्पर्धी नेपाली काँग्रेस लुम्बिनी प्रदेसका सभापति अमरसिंह पुनले ७५२६ मत प्राप्त गरेका छन् । उनीहरु बीचको मतान्तर अहिले सम्म ३०६५ रहेको छ ।

यो करिब २७ हजार मत गणना गर्दाको परिनाम हो । यहाँ ३७ हजार १ सय ५३ मत खसेको छ ।

प्रकाशित मिति : २०७९ मङ्सिर ७ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *