२०८१ साउन ९ गते बुधवार

दमारगाउँ हत्या काण्ड – टिपर चालको बयानले हेटौंडाका अर्का युवकपनि पक्राउ

तुलसीपुर , कात्तिक १६ । तुलसीपुर उपमहानगरपालिका वडा नं. १३ दमारगाउँमा १५ बर्षीया रोशनी महतरा र १४ बर्षीय शरद आचार्यले हत्या काण्ड अनुसन्धानका क्रममा प्रहरीले हेटौंडाका अर्का एक युवकलाई पक्राउ गरि दाङ ल्याएको छ ।

रोशनी र शरदको शब फेला परेको दिन दिउँसो हेटौंडाका टिपर चालकलाई प्रहरीले सुरुमा पक्राउ गरेको थियो ।

उनैको बयानका आधारमा मंगलबार राति हेटौंडा पुगेर प्रहरीले अर्का एक युवकलाई पक्राउ गरि दाङ ल्याएको एक प्रहरी अधिकारीले बताए ।

रोशनी र शरदको शब असोज ३० गते दिउँसो फेला परेको थियो । उनीहरु २७ गते राति साढे दश बजेदेखि बेपत्ता थिए ।

टिपर चालले शरदका हजुरआमालाई फोन सम्पर्क गरि शरदको बारेमा सोधपुछ गरेको सुचनाका आधारमा उनलाई प्रहरीले पक्राउ गरेको थियो ।

तीनै टिपर चालकको बयनाका आधारमा सल्यानका अर्का एक युवकपनि घटनाको दुई दिन पछि परेका थिए । उनीहरुको पहिचान भने गोप्य राखिएको छ ।

प्रहरीको दाबी अनुसार टिपर चालकले घटना स्वीकार गरि सकेका छन् । सल्यानका युवकले भने अस्विकार गर्दै आएका छन् ।

यो बीचमा प्रहरीले रोशनी र शरदका मिल्ने साथीहरुदेखि स्थानीय केही दर्जन बढीलाई सोधपुछका लागि पटक पटक बोलाउँदै आएको छ ।

केहीलाई तीन चार पटकसम्म बोलाएर सोधपुछ हुँदै आएको अनुसन्धानमा खटिएका एक प्रहरी अधिकारीले बताए ।

प्रहरी प्राबिधिक रुपमा पनि तथ्यहरु पुष्टि गर्ने प्रयासमा लागि परेको छ । त्यसैका लागि सिआइबीको टोलीपनि तुलसीपुरमै बस्दै आएको छ ।

प्रकाशित मिति : २०७९ कार्तिक १६ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *