लक्ष्मण बस्नेत , तुलसीपुर, जेठ २३ । दाङ तुलसीपुरमा जारी प्रथम सन्तोष स्मृति कप फुटबल प्रतियोगिता २०७९ पकलेवा र चितवन खैरेनी कृषि कलेज सेमिफाइनल प्रवेश गरेका छन ।
क्याम्पस अफ लाईभ साइन्सेश तुलसीपुरको आयोजनामा संचालित प्रतियोगिताको सोमबार भएको पहिलो क्वाटर फाईनल खेलमा पृथु कृषि कलेज लमहीलाई ० का विरुद्ध २ गोल अन्तरले पराजित गर्दै पकलेवा कृषि कलेजले सेमिफाइनल यात्रा तय गरेको हो ।
खेलमा जर्सी नं. १४ का उत्सब बस्नेतले पहिलो हाफ्को २३ औ र दोस्रो हाफ्को १७ औ मिनेटमा गोल गरे ।
त्यस्तै क्याम्पस अफ लाईभ साइन्सेश तुलसिपुर बी लाई १ – ० गोल अन्तरले पराजित गर्दै चितवन खैरेनी कृषि कलेजले सेमिफाइनल यात्रा तय गरेको हो ।
रोमाञ्चक खेलको दोस्रो हाफ्को १९ औं मिनेटमा खैरेनीका लागि जर्सी नं. ११ का दामोदर पोखरेले निर्णायक गोल गवरेका थिए ।
यसैबीच प्रतियोगिता अन्तरगत मंगलबार बिहान मेट्रो कलेज तुलसिपुर र पकलेवा कृषि कलेज बीच पहिलो सेमिफाइनल खेल हुने भएको छ ।
त्यस्तै दिउँसो ४ बजे हुने दोस्रो सेमिफाइनल खेलमा क्याम्पस अफ लाइभ साइन्सेश तुलसिपुर ए र लास पकलेवा कृषि कलेजले बीच भिडन्त हुने भएको छ ।
जेठ २५ गते सम्म संचालन हुने प्रतियोगितामा १० टिमको सहभागिता रहेको छ ।
प्रतियोगिताको बिजेता टिमले नगद ३५ हजार र उपबिजेता टिमले नगद १५ हजार, मेडल तथा प्रमाणपत्र प्राप्त गर्ने आयोजक क्याम्पस अफ लाइभ साइन्सेश तुलसीपुरका एकाडेमीका सल्लाहाकार मनोज बस्नेतले जानकारी दिए ।
