दाङ, जेठ १४ । रोल्पामा घाँस झार्न रुखमा चढेको एक १६ बर्षे किशोरको लडेर मृत्यु भएको छ ।
रुखबाट लडेर गम्भीर घाइते भएका जिल्लाको गंगादेब गाउँपालिका वडा नं. ५ उदिनढुंगाका १६ बर्षीय थलराज वलीको उपचारका क्रममा बाँकेको कोहलपुर मेडिकल कलेजमा मृत्यु भएको छ ।
जिल्ला प्रहरी प्रमुख डिएसपी बिनोद घिमिरेले वली शुक्रबार राति सवा दश बजेतिर उपचारका क्रममा मृत्यु भएको जानकारी दिए ।
वली शुक्रबार बेलुका ७ बजेतिर घर नजिकैको रुखमा घाँस झार्न भनेर चढेको समयमा लडेर गम्भीर घाइते भएका थिए ।
प्रकाशित मिति : २०७९ जेष्ठ १४ गते शनिवार
