तुलसीपुर,जेठ ९ । तुलसीपुरको मेयरमा नेकपा एमालेका टिकाराम खड्का र उपमेयरमा स्यानी चौधरीको अग्रता कायमै छ ।
५२४३६ मत गन्दा मेयरका उम्मेदवार खड्का १६७७ मत अन्तरले अगाडि छन् । खड्काले २२२१४ मत प्राप्त गरेका छन् ।
त्यस्तै उनका निकटतम प्रतिष्पर्धी गठबन्धनबाट नेपाली काँग्रेसका उम्मेदवार गेहेन्द्र गिरीले २०५३७ मत प्राप्त गरेका छन् ।
त्यस्तै उपमेयरमा एमालेकी श्यानी चौधरीले २१७३७ मत प्राप्त गरेकी छन । चौधरी निकटतम प्रतिष्पर्धी नेकपा एकीकृत समाजबादीका जोगबहादुर राना भन्दा ६४३६ मतान्तरणले अगाडि पुगेकी छिन् । रानाले १५३०१ मत प्राप्त गरेका छन् ।
तुलसीपुरमा कुल ७४ हजार ३ सय ३६ मत खसेको थियो । अहिले वडा नं. १२,१४ र १५ को मतगणना भैरहेको निर्वाचन अधिकृतको कार्यालय तुलसीपुरका अधिकृत राजेश्वर अर्यालले जानकारी दिए ।
प्रकाशित मिति : २०७९ जेष्ठ ९ गते सोमवार
