नेपालगञ्ज, बैशाख १८ । नेपाली कांग्रेसका तर्फबाट नेपालगञ्ज उपमहानगरपालिकाका प्रमुख पदका उम्मेदवार प्रशान्त विष्टले घरदैलो कार्यक्रमलाई तीब्रता दिएका छन् ।
टोल टोलमा पुगेर मतदातालाई भेट्ने क्रममा आइतबार साँझ नेपालगञ्ज १३ र १४ का विभिन्न बस्तिमा पुग्नुभएका विष्ट स्थानीयको समर्थनले आफू उत्साहित भएको बताए ।
वडा नम्बर १३ का वडा अध्यक्ष पदका उम्मेदवार सन्दिपजंग शाह र वडा नम्बर १४ का वडा अध्यक्ष पदका उम्मेदवार कृष्णमाधव कुर्मीसहित सम्बन्धित वडामा घरदैलो गरेका विष्टले स्थानीयका समस्या समाधान गर्न आँफुले जितेमा समाधान गर्ने बताए ।
विष्टको उम्मेदवारीले आफूहरु आशाबादी बनेको स्थानीयले प्रतिक्रिया दिएका छन् ।
प्रकाशित मिति : २०७९ बैशाख १८ गते आइतवार
