शिवु खनाल,
लमही माघ १७ । दाङको गढवा बाट भरुवा बन्दुकसहित चार जना पक्राउ परेका छन् । गढवा गाउँपालिका वडा नम्बर ७ चन्दनपुर बाट राजु विक,ईन्द्रप्रसाद चोधरी,कृष्ण चौधरी र राजपुर गाउँपालिका वडा नम्बर १ कटबेरुवा निवासी केशरसिंह घर्तीलाई पक्राउ गरिएको प्रहरीले जानकारी दिएको छ ।
ज्योती सामुदायिक वन भित्रबाट उनीहरुलाई पक्राउ गरिएको सव डिभिजन कार्यालय गढवाका सहायक वन अधिकृत शिवकुमार महतोले जानकारी दिएका छन् ।
चोरी शिकारीमा सलग्न उनीहरुको साथवाट लोडेड भरुवा बन्दुक १ थान, बन्दुकमा प्रयोग गर्ने ठुलो छर्रा ८ वटा , कैँची २ थान, गुलेली र पेचकस १÷१ थान, लाम्चो छर्रा ९ वटा , सानो छर्रा ३ सय १२ वटा, केप १ थान, केपमा प्रयोग हुने सिल्भर पत्ता सानो र ठूलो २÷२ थान, पत्ता वारुद १२ रोल र खुल्ला बारुद १ सय ७७ ग्राम बरामद गरिएको सव–डिभिजिन कार्यालय गढवाले जानकारी दिएको छ । बरामद गरिएको भरुवा बन्दुक र चोरी शिकारीमा सलग्न व्यक्तिहरुलाई कानुनी कारबाहीका लागि ईलाका प्रहरी कार्यलय गढवामा बुझाइएको छ ।
