घोराही, चैत ९ । साहुसंग रकम अशुल्न अपहरणमा परेको नाटक नाटक गर्ने युवकलाई प्रहरीले सार्वजनिक गरेको छ ।
जिल्ला प्रहरी कार्यालय घोराहीमा पत्रकार सम्मेलन गरि बुधबार रूकुम पश्चिमको बाफिकोट गाउँपालिकाको झुला घर भई हाल तुलसीपुर ४ स्थित हरि रिजालको ड्रागन फार्ममा काम गर्दै आएका २४ वर्षीय जनक देवकोटालाई प्रहरीले सार्वजनिक गरेको हो ।
पत्रकार सम्मेलनमा जिल्ला प्रहरी प्रमुख एसपी सुरेश काफ्लेले साहुसंग मोटो रकम अशुल्ने उदेश्यका साथ देबकोटाले आँफै अपहरणमा परेको नाटक गरेको तथ्य पत्ता लागेको जानकारी दिए । ‘फिरौति बाफतको मोटो रकम अशुल्ने उदेश्यका देवकोटाले अपहरणको नाटक मञ्चन गरेको खुल्न आयो,’ एसपी काफ्लेले भने ।
आँफैले काम गर्ने ड्रागन फार्ममा नक्कली बम बनाउनेदेखि राख्ने, चिठ्ठी लेखेर धम्कि दिने , ५० लाख माग गर्दै मोबाइलमा म्यासेज लेखेर पठाउने जस्ता सबै कानुन बिपरितका कार्य देवकोटा आँफैले गरेको एसपी काफ्लेले जानकारी दिए ।
साहुको धेरै आन्तरिक कुरा थाहाँ पाएका देवकोटाले मोटो रकम अशुल्ने उदेश्यले आँफै अपहरणमा परेको नाटक गरेको स्पष्ट भइसकेको एसपी काफ्लेले पत्रकार सम्मेलनमा जानकारी दिए ।
अपबाफ फैलाएर साहुबाट फिरौतिलिने उदेश्यका साथ तुलसीपुरबाट चैत ६ गते नेपालगंज गइ बसेको र त्यहाँबाट बुटवलको बसमा दाङको अमेलियास्थित जंगल क्षेत्रमा ओर्लिएपछि प्रहरीले देवकोटालाई नियन्त्रणमा लिन सफल भएको एसपी काफ्लेले जानकारी दिए ।
पक्राउ परेका देवकोटा बिरुद्ध बिष्फोटक पदार्थ निर्माण र झुटो अबबाफ फैलाएर समाजलाई आतंकित पारेको सम्बन्धि मुद्दा चलाएर कानुनी कारबाही गरिने प्रहरीले जनाएको छ ।
यो पनि पढ़नुहोस
हरि रिजाललाई फागुन २७ गतेदेखि निरन्तर धम्कि आइरहेको थियो
तुलसीपुरबाट अपहरणमा परेका भनिएका युवक दुई दिनपछि अमेलियामा फेला परे
