दाङ,फागुन १७ । नेपाली सेनाले घोराही उपमहानगरपालिकाका मेयर नरुलाल चौधरीलाई ‘प्रधान सेनापती निशान’बाट विभूषित गरेको छ ।
सेना दिवस एवं महाशिवरात्रिको अवसरमा नेपाली सेनाले मंगलबार काठमाडौ स्थित सैनिक मञ्च टुँडिखेलमा विशेष कार्यक्रम गरेर नगर प्रमुख चौधरीलाई विभूषित गरेको हो ।
घोराही उपमहानगरपालिका स्थानिय सरकारले नेपाली सेनासँग मिलेर विभिन्न जनहितका कामहरु गरेको र त्यसले समाजमा राम्रो प्रभाव पारेको नेपाली सेनाले मूल्यांकन गरको छ ।
सोही मूल्याकंन गर्दै सेनापती प्रभुराम शर्माले नगर प्रमुख चौधरीलाई मेडल र प्रमाणपत्रले विभूषित गरेका हुन् ।
नेपाली सेनासँग मिलेर जनहितका काममा सहयोग तथा सहकार्य गरेर समाज रुपान्तरणमा उल्लेख्य भूमिका खेलेको भन्दै सेनाले नगर प्रमुखलाई बिभूषित गरेको सेनाले जनाएको छ ।
प्रकाशित मिति : २०७८ फाल्गुन १७ गते मङ्गलवार
