दाङ, भदौ १५ । पाल्पाकी प्रदेश सभा सदस्य रमा घर्ती मगरले नेकपा एकीकृत समाजवादी पार्टी रोजेकी छन् ।
मगर मंगलबार प्रदेश निर्वाचन कार्यालय दाङ आएर माधव नेपाल नेतृत्वको नेकपा एकीकृत समाजवादी पार्टी रोजेकी हुन ।
निमित्त प्रदेश निर्वाचन अधिकारी निमराज भट्टराईले एक जना प्रदेश माननियले आफु कहाँ आएर नेकपा एकीकृत समाजबादीका लागि सनाखद गरेको जानकारी दिए ।
नेकपा एमाले विभाजन भएपछि लुम्बिनी प्रदेशमा नेकपा एकीकृत समाजबादी पार्टी रोज्ने पहिलो प्रदेश सांसद हुन ।
मगरले नेकपा एकीकृत समाजवादी रोजेपछि अब एमाले सांसदको संख्या प्रदेश सभामा ३६ मात्रै रहने भएको छ ।
त्यस्तै अब लुम्बिनी प्रदेश सभामा प्रतिनिधित्व गर्ने राजनीतिक दलको संख्या ६ पुगेको छ ।
प्रकाशित मिति : २०७८ भाद्र १५ गते मङ्गलवार
