घर भत्किएर मृत्यु भएको दोस्रो दिनमै राहात बितरण

तुलसीपुर, असार २५ । बिहीबार बिहान घर भत्किदा तीन महिनाकी शिशु गुमाएका पीडित परिवारलाई शुक्रबार राहात बितरण गरिएको छ। ्

अबिरल बर्षाका कारण घोराही उपमहानगरपालिका वडा नं. १७ क्वाडीमा घर भत्किदा तीन महिनाकी शिशु बिन्दु चौधरीको घटनास्थलमै मृत्यु भएको थियो । उनकी आमा मनिसा र ९ बर्षीया अर्की छोरी बाटुली घाइते छन् ।

पीडित परिवारलाई जिल्ला बिपद ब्यबस्थापन समिति र घोराही उपमहानगरपालिकाबाट गरि कुल २ लाख २५ हजार राहात रकम घरमै पुगेर प्रदान गरिएको छ ।

प्रमुख जिल्ला अधिकारी रामबहादुर कुरुम्बाङसहित पुगेका घोराहीका मेयर नरुलाल चौधरीले बिन्दुका बुवालाई उक्त रकम घरमै पुगेर हस्तान्तरण गरेका हुन ।

बिहीबार बिहान ३ बजेतिर घर भित्र सुतिरहेका तीन आमा छोरी मध्य बिन्दुको नजिकैको गोठ भत्किदा त्यसले घरमा लागेर भित्ता ढलेपछि च्यापिएर मृत्यु भएको थियो ।