२०७८ साउन २० गते बुधवार

१४ बर्षीय किशोरको बिठ्याँई–७ बर्षीया बालिकालाई बालात्कार प्रयास, ९ बर्षीय बालकमाथि अप्राकृतिक संभोग

तुलसीपुर, जेठ ३१ । सोमबार तुलसीपुरका एक किशोर बिरुद्ध जबरजस्ती करणी उद्योग र अप्राकृतिक संभोग गरेको अभियोगमा दूई उजुरी प्रहरी समक्ष परेको छ । ती मुद्दाका आधारमा सोमबार नै तुलसीपुर उपमहानगरपालिका वडा नं. १२ का १४ बर्षीय ती किशोरलाई पक्राउ गरि प्रहरीले थुनामा राखेको छ ।

ती किशोर बिरुद्ध पीडित बालबालिकाकाले अभिभाबकको सहयोगमा ईप्रकामा दिएको मुद्दाका आधारमा प्रहरीले ती दुबै मुद्दा चलाएर अनुसन्धान सुरु गरेको छ । आरोपित बिरुद्ध सोमबार नै घटना अनुसन्धानका लागि पाँच दिनको म्यादपनि थप भइसकेको छ ।

ईप्रका तुलसीपुरका प्रबक्ता प्रहरी निरिक्षक झलकप्रशाद शर्माले ती किशोरले बैशाख २७ गते ९ बर्षीय बालकलाई गोठालो गएको समयमा मौका छोपी जवरजस्ती अप्राकृतिक रुपमा संभोग गरेको भनेर बालकले र ७ बर्षीया बालिकाले जेठ २८ गते गोठालो गएकै समयमा आफुलाइ  जवरजस्ती बलात्कार गरेको भनेर जाहेरीमा उल्लेख गरेको जानकारी दिए ।

पक्राउ परेका किशोरले अप्राकृतिक रुपमा बालकलाई संभोग गरेको कुरा प्रहरी समक्ष स्वीकार गरेको भएपनि बालिकामाथि बलात्कार गरेको भन्ने कुरा अस्वीकार गर्ने गरेको प्रहरीले जनाएको छ । घटनाबारे थप अनुसन्धान जारी रहेको प्रहरीले जनाएको छ ।

प्रकाशित मिति : २०७८ जेष्ठ ३१ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *