लक्ष्मण बस्नेत, तुलसीपुर,चैत १० । तुलसीपुर उपमहानगरपालिका स्तरिय मेयर कप टि–२० क्रीकेट प्रतियोगिता २०७७ हुने भएको छ ।
तुलसीपुर उपमहानगरपालिकाको आयोजना तथा त्रिशिद्धेश्वरी स्पोर्ट्स क्लब तुलसीपुरको ब्यबस्थापनमा सञ्चालन हुन लागेको हो ।
प्रतियोगिता महेन्द्र मा.वि तुलसीपुरको खेलमैदानमा सञ्चालन हुन लागेको प्रतियोगिता यहि चैत २७ गते देखी सुरु हुुनेछ ।
तुलसीपुर क्षेत्रमा क्रिकेट खेलको बिकास र बिस्तारसंगै प्रतिभावान खेलाडीको पहिचान र बिकासमा टेवा पु¥याउने उद्देश्यका साथ प्रतियोगिताको आयोजना गरिएको तुलसीपुर उपमहानगरपालिका युवा तथा खेलकुद समितिका संयोजक अमर नेपाली (माईकल) ले जानकारी दिए ।
भौतिक संरचना, खेल गतिविधि र प्रशिक्षण अभावका हिसाबले पछाडी परेको तुलसीपुर क्षेत्रको क्रिकेटलाई मेयर कपका माध्यमबाट चलाएमान बनाउन प्रतियोगिताको आयोजना गरिएको संयोजक नेपालीले बताए ।
उनका अन्ुसार झण्डै एक साता चल्ने प्रतियोगितामा तुलसीपुर उपमहानगर क्षेत्र का १९ वडाका टिमको सहभागिता हुनेछ । खेलहरु नकाउट प्रणालीका आधारमा खेलाईनेछ ।
यसैबिच प्रतियोगिता ब्यबस्थापनको जिम्मा पाएको त्रिशिद्धेश्वरी स्पोर्ट्स क्लब तुलसीपुरले तयारीलाई तिब्र पारेको छ ।
टिम सहभागिताका लागि पत्राचार, प्रचार प्रसार,खेलमैदान निर्माण लगाएतका आन्तरिक तयारीलाई तिब्र पारिएको क्लबका अध्यक्ष कमल डाँगीले जानकारी दिए ।
