दाङ, असार १ । दाङका कारागारहरुमा सुरक्षा गार्डको रुपमा सोमवारदेखि नेपाली सेना खटिएको छ ।तुलसीपुर र घोराहीको कारागारको सुरक्षाका लागि नेपाली सेना खटिएको हो । प्रमुख जिल्ला अधिकारी गोविन्दप्रशाद रिजालले त्यसको पुष्टि गरे ।
सशस्त्र प्रहरीलाई सीमा सुरक्षाको लागि खटाउन थालिएपछि जनशक्ति अभाव टार्न तत्कालका लागि नेपाली सेनालाई सोमवारदेखिकारागार सुरक्षार्थ खटाइएको रिजालले बताए । हालसम्म सशस्त्र प्रहरी कारागारको सुरक्षार्थ खटिदै आएको थियो ।
लकडाउनको अवधिमा सशस्त्र प्रहरीलाई सीमा सुरक्षाका लागि खटाउने सरकारी नीति अनुरुप जनशक्ति अभाव भएपछि सेनाकारागारको सुरक्षामा खटिएको प्रजिअ रिजालले जानकारी दिए । यसअघि आम निर्वाचनको समयमा पनि सेनाले कारागारको सुरक्षागर्ने गर्दथ्यो ।
प्रकाशित मिति : २०७७ असार १ गते सोमवार
