दाङ, जेठ १५ । रुकुम पश्चिमको चौरजाहारी नगरपालिकामा जाजरकोटका युवाहरु माथि भएको अमानविय कार्यको चौतर्फी रुपमाविरोध सुरु भएको छ । घटनाको विभिन्न संघ संस्थाहरुले निन्दा एवं भत्सना गरेका छन् । नेपाल दलित संघ दाङका अध्यक्ष बाबुरामविश्वकर्माले दलित समुदायले अन्तरजातिय विवाह गर्न खोज्दा ज्यानै लिनुलाई अन्त्यतै निन्दनिय भएको उल्लेख गरेका छन् ।
घटनामा संलग्नहरुलाई कानुन अनुरुप कारवाही र क्षतिपूर्ती उपलब्ध गराउन जिल्ला अध्यक्ष विश्वकर्माले विज्ञप्ति मार्फत माग गरेका छन्।
तुलसीपुर नगर जेसिजको ध्यानाकर्षण
रुकुम काण्डको तुलसीपुर नगर जेसिजले निन्दा एवं भत्सर्ना गरेको छ । नगर जेसिजका अध्यक्ष मोहन सुनार र महासचिव महासचिव केशवराज केसीले विहीवार संयुक्त विज्ञप्ति मार्फत अन्र्तजातिय विवाहको विषयलाई लिएर रुकुमपश्चिममा भएको अमानविय घटनाले जेसीजको गम्भिर ध्यानाकर्षण भएको उल्लेख गरेका छन् ।
उक्त घटना समाजमा जातिय विभेदलाई निर्मूल पार्न संविधानले प्रत्याभूत गरेको छुवाछुत तथा जातिय भेदभाव विरुद्धको हक, समानताको हक, सम्मानपूर्वक वाच्न पाउने हक, जातिय तथा सामाजिक छुवाछुत तथा भेदभाव कसुर र सजाय ऐन तथा सबै किसिमकाजातिय भेदभाव उन्मुलन सम्बन्धि अन्तराष्ट्रिय महासन्धि विपरीत रहेको विज्ञप्तिमा उल्लेख गरिएको छ ।
नेपाल २०६३ जेठ २१ गते छुवाछुत मुक्त राष्ट्र घोषणा भइसकेको भएपनि त्यस विपरितका हर्तकहरु गर्नेमाथि छानविन गरि कारवाही रपीडितका परिवारलाई न्याय दिन उनीहरुले माग गरेका छन् ।
बबईमा पनि विरोध प्रदर्शन
नेपाली काँग्रेस बबई गाउँपालिका वडा नं. ३ को आयोजनामा चौरजाहारी काण्डको विरोध गरिएको छ । वडा नं. ३ का सभापति प्रेमलालनागबागको अधयक्षता र बबईका सभापति बलबहादुर बुढाको प्रमुख आथित्यमा विरोध कार्यक्रम भएको छ । कार्यक्रमलाई प्रमुखअतिथि बुढा, ट्रेड यूनियन काँग्रेस दाङका उपाध्यक्ष पूर्णबहादुर केसी, डिल्ली सुनार लगाएतले घटनाको निन्दा गर्दै दोषी उपर कारवाहीकोमाग गरेका थिए । कार्यक्रमको सहजिकरण स्थानीय शिक्षक डिल्ली सुनारले गरेका थिए ।
