तुलसीपुर, बैशाख ९ ।बन्यजन्तुको सिकार गर्न गएको अभियोगमा पश्चिम दाङबाट एकनाल भरुवा बन्दुकसहित ४ जना पक्राउ परेका छन्। डिभिजन वन कार्यालय दाङको गस्ति टोलीले मंगलवार दिउँसो साढे ३ बजेतिर शान्तिनगर गाउँपालिका वडा नं. ५ स्थित हात्तिखालसामुदायिक वन क्षेत्रबाट पक्राउ गरेको हो ।
पक्राउ पर्नेमा शान्तिनगर गाउँपालिका वडा नं. ५ का मधु शाह, गंगाराम चौधरी, शुकराम चौधरी र रामबहादुर चौधरी रहेका छन । पक्राउपरेका मध्य शाह ६५ बर्षका छन् ।
डिभिजन वन कार्यालय दाङका प्रमुख दिपक ज्ञवालीले उनीहरुका साथवाट चारवटा मोटरसाईकल समेत बरामद भएको जानकारीदिएका छन् । बा ६२ प ६४२९, रा ५ प १४६१, रा ३ प ४२९१ र रा ४ प ४४३७ नम्वरको मोटरसाईकलहरु बरामद भएको ज्ञवालीलेजानकारी दिए ।
गस्ति टोलीले नियन्त्रणमा लिएका मोटरासईकल मध्य रा ३ प ४२९१ नम्वरको मोटरसाईकलमा प्रेस लेखेको कागज अगाडि टाँसिएकोथियो । ज्ञवालीका अनुसार वन्यजन्तु सिकारी भइरहेको भने सूचनाको आधारमा आफुहरु त्यहाँ पुग्दा उनीहरुलाई पक्राउ गरिएकोजानकारी दिए ।
दुई दर्जनजति सिकारीको टोली हतियारसहित वन क्षेत्रमा प्रवेश गरेको भन्ने सूचनाको आधारमा डिभिजन वन कार्यालय दाङबाट गएकोटोलीले वनमा खोजी गर्दै जादा उनीहरुलाई पक्राउ गरेको ज्ञवालीले जानकारी दिए । डिभिजन वन कार्यालयबाट २२ जनाको टोलीगस्तिमा गएको हुँदा त्यो देखेर सिकारी बन्दुक छोडेर भागेको ज्ञवालीले बताए ।
लकडाउनको अवधिमा वन कार्यालयको गस्ति टोलीले काठ तस्करीमा प्रयोग भएका तीनवटा ट्रेक्टर र दश जनालाई पक्राउ गरि वन ऐनअन्तरगत मुद्दा चलाएको ज्ञवालीले जानकारी दिए ।
