तुलसीपुर, चैत ९ । स्वर्गिय हिरा डाँगीका बुवा मानबहादुर डाँगीले आफ्नो छोराको जस्तै गरि कसैको पनि अनाहकमा हत्या हुन नपावसभन्ने कामना गरेका छन् ।
नेपाली काँग्रेसका नेता तथा सल्यानको त्रिवेणी गाउँपालिकाका अध्यक्ष समेत रहेका डाँगीले त्यसको लागि प्रहरी प्रशासन थप सजगहुनपर्ने आवश्यक्ता औंल्याए ।
‘राज्य थप जिम्मेवार हुनुपर्छ, प्रहरी प्रशासन थप सजग हुनुपर्छे,’अध्यक्ष डाँगीले भने–‘दोषी कोही उम्कन नपवास र निर्दोष नपरुन।’
अध्यक्ष डाँगीले छोराको हत्या भएको हप्तादिन वित्नै लाग्दा समेत घटनामा संलग्न सबैलाई प्रहरीले पक्राउ गर्न नसक्नुले राज्यको सुरक्षाअवस्थाको चित्रण हुने बताए ।
उनले समाजमा दण्डहिनता अन्त्य हुनुपर्ने अपराधकर्म अन्त्य गर्न प्रहरी प्रशासन लाग्नुपर्नेमा जोड दिए । अभिभावक र समाजले समेतहत्या हिंसाका विरुद्ध बोल्न आवश्यक रहेको उनले बताए ।
उनले घटनाको सत्य तथ्य छानविन गरि दोषीलाई कारवाही हुनुपर्ने माग गरे । पीडितलाई न्याय दिलाउन र दोषीलाई कानुन बमोजिमकारवाही गर्नको लागि यस्ता घटनामा सबै पक्षले सहयोग गर्न आवश्यक रहेको अध्यक्ष डाँगीले बताए ।
