२०७८ असोज ८ गते शुक्रवार

छोरी के तिमी सुरक्षित छौ?

अमर खड्का

जन्मनु पहिले,
तिम्रो बा आमाबाटै
तिमी सुरक्षित थिएनौ
सुरक्षित हुन यहाँ गर्भमा
छोरा हुनुपर्छ
तिमी छोरी हौ ।

जन्मिसके पछि ,
भुलाउने चाहानामा
खेलाउने बहानामा
चुम्बन गरे
नछुने ठाउमा छोए
हेर्न नहुने कुरा हेरे
गर्न नहुने काम गरे
खै के के गरे ? गरे
सुरक्षित नहुने गरि गरे ।

जब स्कुल जाने भयौ
कयौं पटक, तिम्रा सरहरुले
टाइ नमिलेको भनि
छाती चिमोटिदिए
हिसाब मिलेन भनेर
ढाड सुमसुम्याइदिए
गृहकार्य छुटेको दिन
गाला मुसारेरै छुट दिए
झगडा गरेको दिन
मुर्गा बनाइ पछाडि उभिएर हेरे
पटक÷पटक आँखाले बलात्कार गरे
छोरी के तिमी , स्कुलमा सुरक्षित छौ?

तिमीले प्रेमको लामो–लामो सास फेर्दा
तिम्रो प्रेमिले रोमाञ्चित मानेर
जब,तिमी उभिएकै जमिनमा पल्टायो
के तिमी प्रेमिसंग सुरक्षित छौ?

तिम्रो ठिक अगाडि उभिरहेको काकाले
तिमिलाई नै हेरेर
कयौं पटक थुक निल्दैछ्न होला
तिम्रो पछाडिको हजुर बा
तिमिलाई हेर्न चस्मा मिलाउदै छन होला
उ …त्यो परको केटो
तिमिलाई माल भन्दै छ
तिमी कहाँ सुरक्षीत छौ ?

तिमी नर्स भएर अरुलाइ हर्ष दिदै
जब रातदिन, दिनरात
भोक प्यास नभनी
बिरामीको सेबक बनेर
अहोरात्र खटी रहँदा
कयौ ब्वाँसाहरु
लुछ्न आउँछ्न
चिथोर्न आउँछ्न
कोपर्न आउँछ्न
गिद्दे नजर लगाउछ्न होला
विष बमन गछ्र्न
के तिमी त्यहाँ सुरक्षित थियौ ?

अब तिमी सुरक्षित हुन
गणतन्त्रको कात्रो ओडेर
समृद्धिको घाटमा
दन्किनु पर्छ
ता की
उड्दै उड्दै गएको धुवाको
खबरले प्रत्येक छोरीले आगो
ओकल्न सकुन

सुरक्षित बन्न सकुन ।।

प्रकाशित मिति : २०७८ जेष्ठ १५ गते शनिवार
प्रतिक्रिया दिनुहोस
  1. Bindu shah says:

    Really heart touching

Leave a Reply

Your email address will not be published. Required fields are marked *