२०७७ फाल्गुन २० गते बिहिवार

अमृत बिद्या मन्दिरमा खेलकुद सप्ताह सुरु 

तुलसीपुर,फागुन १ ।अमृत बिद्या मन्दिर स्कूल तुलसीपुरले आफ्नो साता ब्यापी खेलकुद कार्यक्रम शनिबार देखि सुरु गरेको छ ।  बिधालयमा अध्ययनरत छात्र/छात्रा भित्र लुकेर रहेका अन्तरनिहित खेल प्रतिभालाई उजागर गर्न आयोजित खेल सप्ताहको  उद्घाटन शान्तिनगर गाउँपालिका वडा नं ३ का  अध्यक्ष बुद्धिराम तिवारीले गरेका हुन् ।

कार्यक्रममा विद्यालयका प्रिन्सिपल सन्दिप भुसालले विद्यार्थीको  प्रगती विवरण,भाबी योजना तथा स्कुलले गरिरहेको कार्यक्रमको बारेमा जानकारी  गराएका थिए ।

खेलकुद सप्ताहमा एथलेटिक्स तर्फका ट्रयाक तथा फिल्ड, छात्र भलिबल छात्रा भलिबल, कबड्डी ज्याभलीन थ्रो ,सटफुट लगाएतका सिनियर तथा जुनियर तर्फका खेलहरु हुनेछ्न ।

विद्यालयका सञ्चालक  बलबहादुर केसीको अध्यक्षतामा भएको कार्यक्रमलाई सम्बोधन गर्दै प्रमुख अतिथीले स्वास्थ्य र समृद्धिसंग जोडिएको खेलकुद क्षेत्र मानव जिवनको अभिन्न अंग भएको बताए 

खेलाडी उत्पादन थलो बिधालय क्षेत्र हो तपाईहरु खेलकुद क्षेत्रमा लगानी बढाउनुहोस,उनले भने, यसले बालबालिका को सर्वाङिन बिकासको आधार स्तम्भ निर्धारण गर्नेछ ।  उक्त कार्यमा गाउँपलिकाले पनि सक्दो सहयोग गर्ने प्रतिवद्धता ब्यक्त गरे । शन्तिनगर गाउँपलिकामा अमृत बिद्या मन्दिर एक अब्बल बिद्यालय भैसकेको उनले बताए ।

विद्यालयका भाइस प्रिन्सिपल पवन कँडेलको स्वागत मन्तव्यबाट सुरु भएको कार्यक्रमको सहजीकरण  विद्यालयका शिक्षक निमबहादुर केसीले गरेका थिए ।

प्रकाशित मिति : २०७७ फाल्गुन १ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *