काठमाण्डौ,बैशाख ६ । पछिल्लो २४ घण्टामा नेपालमा १० जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी चार हजार चार सय तीन जनाको नमुना परीक्षण गरिएकोमा १० जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
यस्तै २४ घण्टामा २६ जना निको भएसँगै सक्रिय सङ्क्रमितको सङ्ख्या तीन सय ३४ जनामा झरेको छ । यस अवधिमा कोरोना सङ्क्रमणका कारण कसैको पनि ज्यान गएको छैन ।
थप ७२ हजार ६ सय ८९ जनाले कोरोनाविरुद्धको खोप लगाएका विवरण प्राप्त भएको स्वास्थ्य मन्त्रालयले जनाएको छ ।
प्रकाशित मिति : २०७९ बैशाख ६ गते मङ्गलवार
