काठमाडौं,असार २३ । नेपाली बजारमा सुनचाँदीको मूल्यमा गिरावट आउने क्रम जारी रहेको छ।
नेपाल सुनचाँदी व्यवसायी महासंघका अनुसार साताको तेस्रो दिन आज (मंगलबार) सुनको मूल्य प्रतितोला १ हजार ४०० रुपैयाँले घटेको छ।
मूल्य घटेसँगै आज बजारमा छापावाल सुनको कारोबार प्रतितोला २ लाख ८८ हजार रुपैयाँमा भइरहेको छ।
यसअघि सोमबार प्रतितोला २ लाख ८९ हजार ४०० रुपैयाँमा सुनको खरिदबिक्री भएको थियो।
सुनसँगै आज चाँदीको मूल्यमा पनि गिरावट आएको छ। महासंघका अनुसार मंगलबार चाँदीको मूल्य प्रतितोला ४ हजार ५५५ रुपैयाँ कायम भएको छ।
अन्तर्राष्ट्रिय बजारमा हुने उतारचढावकै कारण स्थानीय बजारमा पनि मूल्य समायोजन भएको महासंघले जनाएको छ।
प्रकाशित मिति : २०८३ असार २३ गते मङ्गलवार
