तुलसीपुर, चैत २। चारलेन सडक स्तरोन्नती परियोजना लमही फिल्ड कार्यालय दाङले चार लेन सडक निर्माणको जिम्मा लिएको निर्माण कम्पनीलाई सात दिन भित्र सम्पर्कमा आउन अल्टिमेटम दिएको छ ।
तुलसीपुर– घोराही सडक निर्माणमा बिलम्ब भएपछि सार्बजनिक सूचना प्रकासित गरि परियोजनाले तुलसीपुर– घोराही २८ किलोमिटर सडक निर्माणको जिम्मा लिएको भारतीय निर्माण कम्पनी तथ्य इन्जिनियरिङ एण्ड इन्फ्राष्टक्चर प्रोजेक्टलाई त्यस्तो अल्टिमेटम दिएको हो ।
सात दिन भित्र सम्पर्कमा आउन र १५ दिन भित्र देखिने गरि फिल्डमा खटेर काम नभए नभए ठेक्का तोडिने चेतावनी समेत दिइएको छ ।
परियोजनाका लमही फिल्ड कार्यालयल प्रमुख डिइ अर्जुन वमले कार्यालयको तर्फबाट ठेक्का तोड्नु अगाडिको यो नै अन्तिम प्रक्रिया मान्नु पर्ने तर्क गरे ।
तथ्यको तर्फबाट यसअघिका नेपाल प्रतिनिधि अनुप पाण्डे हाल ठगी मुद्दामा प्रहरी नियन्त्रणमा छन् ।
पाण्डे पछि पेटी ठेकेदारको रुपमा कामको जिम्मा लिएका मध्य एक जना पेटी ठेकेदार शम्भु चौधरीको हत्या भइसकेको छ ।
पछिल्लो समय सडक निर्माणका काम ठप्प बनेपछि नेपाल सरकारले तथ्य संगको ठेक्का सम्झौंता तोड्ने तयारीमा लागेको देखिएको छ ।
परियोजनामा हालसालै कामको जिम्मा पछिल्लो समय हेटौंडाको श्रेष्ठ कम्पनीका रोषण श्रेष्ठले पाएको भनेर तथ्यबाट इमेल आएको छ ।
करिव एक अर्व २१ करोड रुपंैयामा ठेक्का भएको परियोजना सन २०१९ जुलाईबाट सुरु भएको थियो ।
संझौता अनुसार मे २०२० मा सडक निर्माण कार्य सम्पन्न गर्नुपर्ने थियो । सडक निर्माणको काम २ वर्षमा काम पुरा गर्ने गरि अहिले सम्म करिब ७ प्रतिसत मात्रै काम भएको छ ।
कारोना भाइरसको संक्रमणको कारण देखाउंदै पछिल्लो सयम थपिएको स्तरउन्नतिको म्याद सन २०२२ मे २१ सम्म मात्रै रहेको छ ।
