रोल्पा, फागुन २३ । रोल्पा बहुप्राविधिक शिक्षालयले सातौं वार्षिकोत्सव विभिन्न कार्यक्रम गरी मनाइएको छ ।
रोल्पा नगरपालिका–१ मेवाङस्थित शिक्षालयले विभिन्न प्रतियोगीता गर्दै वार्षिकोत्सव समापन गरेको हो ।
निमित्त शिक्षालय प्रमुख सञ्जीव आचार्यको अध्यक्षता एवं रोल्पा नगरपालिकाका प्रमुख सुरेन्द्र थापा घर्तीको प्रमुख आतिथ्यतामा भएको समापन कार्यक्रममा भलिवल, फुटबल, दौडलगायतका विभिन्न प्रतियोगीताका विजयीलाई पुरस्कार तथा प्रमाणपत्र प्रदान गरिएको छ ।
कार्यक्रममा बोल्दै प्रमुख अतिथि नगर प्रमुख थापा घर्तीले मुलुकको विकासका लागि प्राविधिक शिक्षा अपरिहार्य रहेको बताउनुभयो । प्राविधिक जनशक्ति उत्पादन गरेर शिक्षालयले पुर्याएको योगदानको चर्चा गर्दै उहाँले आगामी दिनमा यो कार्यलाई बढाएर लैजान आग्रह गरे ।
कार्यकमको सञ्चालन शिक्षालयका लेखपाल गञ्जबहादुर कवरले गरेका थिए ।
