घोराही, माघ ९ । दाङको घोराहीमा रहेको ज्योतिपुञ्ज आवासिय माध्यमिक विद्यालयले आफ्नो २० आंै वार्षिकत्सवका अवसरमा शुक्रवार रक्तदान कार्यक्रम आयोजना गरेको छ ।
विद्यालयको आयोजना एवं रक्त सञ्चार केन्द्र नेपाल रेडक्रस सोसाइटी शाखा कार्यालय घोराहीको प्राविधिक सहयोगमा विद्यालयमा रक्तदान गरिएको हो ।
विद्यालयका सञ्चालक, शिक्षक तथा कर्मचारी र अभिभावहरु गरि २७ जनाले रक्तदान गरेको विद्यालय प्रशासनले जानकारी दिएको छ ।
जिल्लाका अस्पतालहरुमा रगतको अभाव देखिएको हुँदा त्यो अभावलाई पूर्ति गर्न रक्तदान गरिएको विद्यालयका प्रिन्सिपल बुद्धिराज अधिकारीले बताए ।
घोराही उपमहानगरपालिका वडा नं. –१५ भरतपुरमा अबस्थित उक्त बिद्यालयले पछिल्लो समय मल्टिमिडिया र नयाँ प्रविधिबाट शिक्षण सिकाई क्रियाकलाप गर्दै आएको दाबी विद्यालयका प्रवन्ध निर्देशक बालचन्द्र शर्माले गरे ।
प्रकाशित मिति : २०७७ माघ ९ गते शुक्रवार
