दाङ,१५ असोज । कोरोना संक्रमणबाट विद्यार्थी र शिक्षकशिक्षिकाहरुलाई जोगाउने उद्देश्यले पश्चिम दाङको दंगीशरण गाउँपालिकावडा नं. ५ मा रहेको लक्ष्मीनारायण आधारभुत विद्यालय सलौरालाई स्वास्थ्य सामग्री हस्तान्तरण गरिएको छ ।
विद्यालयले विद्यार्थीहरुका लागि शिक्षण सिकाई कक्षा सञ्चालन गरेपछि विद्यालयमा अध्ययनरत विद्यार्थी र शिक्षकशिक्षिकालगायतकाकर्मचारीहरुलाई कोरोनो संक्रमणबाट जोगाउनका लागि नेकपाका युवा नेता प्रेम बुढाले विद्यालयमै पुगेर स्वास्थ्य सामग्री सहयोग गरेकाहुन । बुढाले सलौरामा रहेको विद्यालयमै पुगेर विहिवार विद्यालयका प्रधानाध्यापक गोविन्दप्रसाद आचार्यलाई सेनेटाइजर, मास्क रहातधुने सावुन हस्तान्तरण गरेका हुन ।
कोरोना भाइरसको जोखिम रहेको समयमा विद्यालयमा अध्ययनरत विद्यार्थी र उनीहरुलाई पढाउने शिक्षकशिक्षिकाहरु जोखिममा हुनेभएकाले उनीहरुलाई संक्रमण हुनबाट जोगाउने उद्देश्यले विद्यालयलाई स्वास्थ्य सामग्री सहयोग गरेको युवा नेता बुढाले जानकारीदिएका छन् । उनले आगामी दिनमा समेत विद्यालयलाई थप सहयोग गर्ने प्रतिवद्धता गरेका छन् ।
महामारीको समयमा विद्यालयमा सेनेटाइजर,मास्कलगायतका स्वास्थ्य सामग्री सहयोग गर्ने बुढालाई विद्यालयका प्रधानाध्यापकआचार्यले धन्यावाद ज्ञापन गरेका थिए । विद्यालयमा तीन सय विद्यार्थीहरु अध्ययनरत रहेका छन् । विद्यालयले शनिवार समेत गरी तीनसिपm्टमा सिक्षण सिकाई गर्दै आएको छ ।
स्वास्थ्य सामग्री हस्तान्तरण कार्यक्रममा दंगीशरण गाउँपालिका–५ का अध्यक्ष दीपक गौतम, दंगीशरण गाउँपालिका शिक्षा शाखा प्रमुखविनोद अधिकारी, विद्यालय व्यवस्थापन समितिका अध्यक्ष हुमप्रसाद देवकोटालगायतकाले उपस्थीति रहेको थियो । दाङ आईटिएफतेक्वान्दो संघका संरक्षक समेत रहेका बुढाले कोरोना संक्रमणको समयमा सुरक्षार्थ खटिने सुरक्षाकर्मीहरुलाई समेत स्वास्थ्य सामग्रीसहयोग गर्दै आएका छन् ।
