काठमाडौं, चैत १८ । नेकपा एमाले आगामी बैशाखमा हुने उपनिर्वाचनका लागि उम्मेदवार टुँगो लगाएको छ । तर बारा क्षेत्र नम्बर २ का लागि भने उम्मेदवार टुँगो लगाउन बाँकी नै छ ।
एमालेले तनहुँ क्षेत्र नम्बर १ मा सर्वेन्द्र खनाल र चितवन क्षेत्र नम्बर २ मा रामप्रसाद न्यौपानेलाई उम्मेदवार बनाउने निर्णय शनिबार गरेको छ ।
मंसिर ४ मा भएको निर्वाचनका क्रममा खनाल काठमाडौं क्षेत्र नम्बर ६ मा पराजित भएका थिए ।
च्यासलस्थित पार्टी कार्यालयमा बसेको बैठकले त्यस्तो निर्णय गरेको हो ।
पार्टीका उपमहासचिव पृथ्वीसुब्बा गुरूङले जानकारी दिए।
प्रकाशित मिति : २०७९ चैत्र १८ गते शनिवार
