दाङ, भदौ १ । रोल्पामा खोलामा बगेर बेपत्ता महिलाको शब फेला परेको छ ।
जिल्लाको गंगादेव गाउँपालिका – २ हेलुङ खोलाकी ६५ बर्षीया तुलसी कामीको शब फेला परेको हो ।
उनी साउन ३१ गते बुलेका पौने ८ बजेतिर सुख्खा ओडार बजारबाट गोरेटो बाटो हुँदै घर जाने क्रममा लडेर सुख्खा ओडार खोलामा खसेकी थिइन ।
शुक्रबार बेलुकी ६ बजेतिर घटनास्थलदेखि १० किलोमिटर टाढा माडी गाउँपालिका – १ रिसम्जा स्थित चिउरीघाट खोला किनारमा फेला परेको प्रहरीले जानकारी दिएको छ ।
उनको शब दुई ढँगाको बीचमा अड्किएको अवस्थामा फेला परेको प्रहरीले जानकारी दिएको छ ।
प्रकाशित मिति : २०८१ भाद्र १ गते शनिवार
