तुलसीपुर, जेठ १९ । घोराही उपमहानगरपालिका वडा नं. १६ कपाँसीका ३४ बर्षीय मार्शल रोका बलात्कार मुद्दामा पक्राउ परेका छन् ।
तुलसीपुरकी एक ३२ बर्षीया महिलाले दिएको किटानी जाहेरीका आधारमा रोका जेठ १६ गते राति घरबाटै पक्राउ परेका हुन ।
रोकालाई सात दिन थुनामा राखेर घटना अनुसन्धान गर्द जिल्ला अदालतले जेठ १७ गते अनुमति प्रदान गरि सकेको छ ।
जिल्ला प्रहरी प्रमुख एसपी बीरबहादुर वलीले रोका बिरुद्ध बलत्कार मुद्दामा आवश्यक अनुसन्धान जारी रहेको बताए ।
रोकाले पीडितलाई फकाइ फुल्याइ आफ्नै घरमा लगेर बलात्कार गरेको पीडितको जाहेरीमा उल्लेख रहेको प्रहरीले बताएको छ ।
पेट्रोल बिना नै सल्लाको खोटोबाट मोटरसाइकल चलाएर देखाएका कारण रोका चर्चित बनेका थिए ।
कोराना महामारीको समयमा उनले निर्माण गरेका अटोमेटिक स्यानिटाइजर मेसिनहरु जिल्लाका चलेका अस्पताल तथा स्थानीय तहका प्रबेश द्धारहरुमा राखिएका थिए । उनले आँफुलाई युवा बैज्ञानिकका रुपमा चिनाउँदै आएका थिए ।
