२०७७ कार्तिक १३ गते बिहिवार

जितबहादुरलाई कुट्ने तीन जनाविरुद्ध मुद्दा चलाउने तयारी

दाङ, चैत ८ । बहिनीलाई जबरजस्ती होली नदल्न आग्रह गर्दा प्रहरी जवानलाई कुट्ने तीन जना युवालाई प्रहरीले सार्वजनिक मुद्दा लगाउने तयारी गरेको छ ।

तुलसीपुर उपमहानगरपालिका वडा नं १८ बिजौरी निवासी प्रहरी जवान जितबहादुर चौधरीलाई कुट्ने मध्य स्थानीय १७ बर्षीय माधव वली, १७ बर्षीय दिनेश विक र १७ बर्षकै बिक्रम बिकलाई सार्वजनिक मुद्दा लगाउने तयारी गरिएको छ । ईलाका प्रहरी कार्यालय तुलसीपुरका प्रमुख एवं डिएसपी प्रेमबहादुर शाहीले कुटपिटमा संलग्न मध्य दश जना युवाहरुलाई पक्राउ गरिएको भएपनि अरुलाई तारेखमा रिहा गरिने जानकारी दिए । ‘केही बेरमै पीडितको तर्फवाट जाहेरी आउँदैछ । त्यसैको आधारमा कस्तो मुद्दा लगाउने भन्ने निर्णय हुन्छ,’ डिएसपी शाहीले भने । प्रहरीले १६ बर्षीय शुरेस बस्नेत, १५ बर्षीय टेकलाल पुन, १६ बर्षीय कमल राना, १६ बर्षिय भुवन परियार, १५ बर्षीय प्रकाश घर्ती, १६ बर्षीय सन्तोष पुन, १८ बर्षीय शिखर बस्नेतलाई तारेखमा रिहा गर्ने तयारी गरेको छ ।

युवाहरुको जमातले विहीवार दिउँसो होलीको दिनमा घरमै आएर चौधरीको बहिनी शोभालाई लखेटी–लखेटी होली दल्न थालेपछि दाजु जितबहादुर चौधरीले जवरजस्ती होली नदल्न आग्रह गर्दा उनीमाथि निर्घात कुटपिट भएको थियो । चौधरीको हाल नेपालगञ्जस्थित नर्शिंग होममा उपचार भइरहेको छ । चौधरीको टाउको र खुट्टामा चोट रहेको प्रहरीले जानकरी दिएको छ । चौधरीको देव्रे खुट्टा फ्याक्चर भएको तथा टाउकोमा चोट रहेको छ । जिल्ला प्रहरी कार्यालय रुपन्देहीमा कार्यरत चौधरी होलीमा विदा मनाउन घर आएका थिए ।

१ सय १६ चालक पक्राउ
प्रहरीले मादक पदार्थ सेवन गरेर सवारी साधन चलाउने एक सय १६ जना चालकलाई पक्राउ गरेको छ । होलीको दिनमा मदिरा सेवन गरि सवारी चलाउने मध्य सबैभन्दा धेरै ९४ वटा मोटरसाईकल चालक पक्राउ परेको प्रहरीले जानकारी दिएको छ । त्यस्तै १२ जना स्कुटर चालक , २ कार चालक , ६ अटो चालक र २ वटा ट्याक्टर चालकलाई पक्राउ गरिएको जिल्ला प्रहरी कार्यालय दाङका प्रमुख एवं डिएसपी बेलबहादुर पाण्डेले जानकारी दिएका छन् ।

त्यस्तै होलीको मर्यादा विपरित उच्छृङखल गतिबिधि गर्ने थप ५९ जना मानिसलाई पक्राउ गरिएको प्रहरीले जानकारी दिएको छ । होलीको दिनमा दाङका बिभिन्न स्थानमा भएका सवारी दुर्घटनामा चारजना घाइते भएको प्रहरीले जानकारी दिएको छ ।

प्रकाशित मिति : २०७५ चैत्र ८ गते शुक्रवार
प्रतिक्रिया दिनुहोस

Leave a Reply

Your email address will not be published. Required fields are marked *