२०७७ कार्तिक ४ गते मङ्गलवार

दार्चुला जीप दुर्घटनामा परी ११ जनाको मृत्यु

दार्चुला १८ फागुन ।
दार्चुला तींकर सडक खण्डको राताकाठामा जीप दुर्घटना हुदा ११ जनाको मृत्यु भएको छ भने चालक गम्भीर घाईते भएका छन । तीन दिन अघि राताकाठामा आएको सुख्खा पहिरोमा परि एक जनाको मृत्यु भएको थियो भने आधा दर्जन भेडा मरेका थिए ।

जिल्ला प्रहरी कार्यालय दार्चुलाका निमित्त प्रमुख प्रहरी निरिक्षक रविन्द्र कठायतले दिएको जानकारी अनुसार दार्चुला जिल्ला सदरमुकामबाट हिकिलाका लागि छुटेको म १ ज २८० नम्बरको जीप दुहु गाउँपालिका वडा नम्बर ३ राताकाठाको भीरमा खसेको हो ।

शुक्रबार बेलुकी सवा ८ बजेतिर खसेको जीपमा सवार मध्ये ११ जनाको मृत्यु भएको र चालक दिपकसिह धामी गम्भीर घाईते अवस्थामा फेला परेका प्रहरी निरिक्षक रविन्द्र खडकाले जानकारी दिए । उनले, तीनजना महिलाको शव सडकमा निकालिसकिएको, चारजना महिला, तीनजना पुरुष र एकजना बालकको शव टर्च लगाएर भीरमा देखिएको बताए ।

गम्भीर अवस्थामा भेटिएका चालक धामीलाई भने जिल्ला अस्पताल दार्चुलाबाट भारतको पिथौरागढका लागि रेफर गरिएको उनले बताए । उद्धारका लागि जिल्ला प्रहरी कार्यालय दार्चुला र सीमा सुरक्षा गुल्म दार्चुलाको टोली घटनास्थल पुगेपनि राति भएकाले भीरमा पस्न सकेको छैन ।

जीप सडकबाट करिब ५ सय मिटर तल महाकाली नदी किनारमा खसेको छ । अध्यारो भएको कारण उद्दारकार्यमा कठिनाइ भइरहेको प्रहरीले जनाएको छ । जीप सडक भन्दा झन्डै ५ सय मिटर तल खसेकाले चालक बाहेक अरु कोही पनि जीवित अवस्थामा नभेटाएको जिल्ला प्रहरी कार्यालय दार्चुलाले जनाएको छ ।

 

प्रकाशित मिति : २०७५ फाल्गुन १८ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *