काठमाण्डौ,जेठ २६ । पछिल्लो २४ घण्टामा २२ जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी दुई हजार सात सय ५३ जनाको नमुना परीक्षण गर्दा २२ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
थप नौ जना निको भएसँगै अब नेपालमा एक सय १२ जना कोरोनाका सक्रिय सङ्क्रमित रहेका छन् ।
२४ घण्टामा कोरोना सङ्क्रमणका कारण कसैको पनि ज्यान गएको छैन ।
थप एक लाख १७ हजार एक सय १७ जनाले कोरोनाविरुद्धको खोप लगाएका मन्त्रालयले जनाएको छ ।
प्रकाशित मिति : २०७९ जेष्ठ २६ गते बिहिवार
