२०७७ कार्तिक १५ गते शनिवार

तीन महिनामा २० दोषी फरार पक्राउ


दाङ, २३ माघ
दाङमा अदालतबाट दोषी ठहर भएका तर फरार सूचिमा रहेकामध्ये २० जनालाई प्रहरीले तीन महिनाको अवधिमा पक्राउ गरेको छ । जिल्ला प्रहरी कार्यालय दाङले दिएको जानकारी अनुसार विभिन्न मुद्दामा अदालतबाट दोषी ठहर भई फरार रहेको २० जना दोषीहरुलाई तीन महिनामा पक्राउ गरी जेल चलान गरिएको हो ।

पक्राउ परेकाहरुबाट २६ बर्ष ८ महिना २३ दिनको कैद घटेको छ । साथै अदालतले जरिवाना तोकेकाहरुबाट १ लाख ४७ हजार १ सय ५० रुपैयाँ असुल भएको दाङका प्रहरी प्रमुख एसपी बेलबहादुर पाण्डेले जानकारी दिए ।

दाङमा अदालतले दशकौ बर्ष पहिले फैसला गरेका दर्जनौ फैसला कार्यान्वयन हुन सकेको छैन् । अदालतले जरिवाना र कैद फैसला गरेका १८ सय दोषी फरार रहेका छन् । अदालतबाट जरिवाना र कैद सजायको फैसला सुनाईएका स्वदेशी र विदेशी गरि १८ सय ४१ जना अझै कानुनको दायरामा आउन सकेका छैनन् ।

दोषीहरुलाई पक्राउ गर्न नसकिएपछि चालु आर्थिक बर्षलाई सर्वोच्च अदालतले फैसला कार्यान्वयनको बर्षका रुपमा प्रहरीसँग समन्वय गरी खोजी अभियानलाई तिब्रता दिएको अदालतको भनाइ छ ।

प्रकाशित मिति : २०७५ माघ २३ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *