नेपालगन्ज,जेठ ४ । बांकेको डुडुवा गाउँपालिकामा नेपाली कांग्रेसले जितेको छ ।
नेपाली कांग्रेसका नरेन्द्र चौधरी अध्यक्ष र साहिदा बानो उपाध्यक्षमा विजयी भएका छन् ।
चौधरी र बानो अध्यक्ष र उपाध्यक्षमा दोहोरिएका हुन् ।
अध्यक्ष चौधरी र उपाध्यक्ष बानोलाई जसपाका भण्डारीलाल यादव र तरन्नुम बानोले पछ्याएका थिए । चौधरी र बानोले निकटतम प्रतस्पर्धीलाई एक हजार एक सयले मतअन्तरले पराजित गरेका छन् ।
यो सँगै कांग्रेसले जिल्लाका दुई पालिका जितेको छ । यस अघि राप्तीसोनारी गाउँपालिका जितेको थियो ।
कांग्रेसले नेपालगन्ज, कोहलपुर, जानकीमा अग्रता लिइरहेको छ ।
प्रकाशित मिति : २०७९ जेष्ठ ४ गते बुधवार
