दाङ, जेठ १ । घोराही उपमहानगरपालिकामा गठबन्धन दलका साझा उम्मेदवारले अग्रता कायमै राखेका छन् ।
सुरु देखि नै अग्रता कायमै राखेका गठबन्धनका उम्मेदवारले २८६६ मत गणना हुँदासम्म मतान्तर बढाउँदै लगेका छन ।
राति दश बजेको मत परिनाम अनसार घोराहीमा गठबन्धन दलबाट नेकपा माओबादी केन्द्रका केन्द्रीय सदस्य हेमराज शर्मा (डायमण्ड) ११९० मत प्राप्त गरेका छन् ।
नेकपा एमालेका यसअघिका मेयर तथा पोलिटब्यूरो सदस्य नरुलाल चौधरीले १०१२ मत प्राप्त गरेका छन् ।
त्यस्तै गठबन्धनबाट उपमेयरमा नेपाली काँग्रेसका नेता भुपबहादुर डाँगीले १२६३ र एमालेकी उपमेयरकी उम्मेदवार हुमा डिसीले ९६६ मत प्राप्त गरेकी छन् ।
यहाँ राप्रपाका मेयर पदका उम्मेदवारले २२२ र उपमेयरका उम्मेदवारलाई १७२ मत प्राप्त भएको छ । त्यस्तै कलम चिन्हका मेयर र उपमेयरका उम्मेदवारले समान २६ मत प्राप्त गरेका छन् ।
प्रकाशित मिति : २०७९ जेष्ठ १ गते आइतवार
