दाङ,बैशाख ३१ । दाङको घोराही उपमहानगरपालिकामा गठबन्धन दलका साझा उम्मेदवारले सुरुवाती अग्रता लिएका छन् ।
घोराहीमा गठबन्धन दलबाट नेकपा माओवादी केन्द्रका केन्द्रीय सदस्य हेमराज शर्माले एक सय ७२ मत प्राप्त गरेका छन ।
यस्तै नेकपा एमालेका यसअघिका मेयर तथा पोलिटब्यूरो सदस्य नरुलाल चौधरीले एक सय ४५ मत प्राप्त गरेका छन ।
त्यस्तै गठबन्धनबाट उपमेयरमा नेपाली कांग्रेसका नेता भुपबहादुर डाँगीले एक सय ८० र एमालेकी उपमेयरकी उम्मेदवार हुमा डिसीले एक सय ४० मत प्राप्त गरेका छन ।
यस्तै दाङको गढवा गाउँपालिका वडा नम्वर ८ मा एमालेका उमेदवारहरु विजयी भएका छन् । वडा अध्यक्षमा खालिक सिद्धिकी निर्वाचित भएका छन ।
उनीसहित पुरै प्यानल विजयी भएको प्रदेश निर्वाचन अधिकारी नारायण भण्डारीले जानकारी दिए ।
प्रकाशित मिति : २०७९ बैशाख ३१ गते शनिवार
