प्युठान,माघ २३ । शनिवार प्युठानमा भएको जीप दुर्घटनामा गौमुखी गाउँपालिकाका सात जनासहित आठ जनाको ज्यान गएको शोकमा आज आइतवार गाउँपालिकाले शोक बिदा दिएको छ ।
हिजो नौबहिनी गाउँपालिकाबाट बेहुली लिएर फर्कँदै गरेको जीप लिवाङको ओखरपाटा नजिकै दुर्घटना हुँदा गौमुखी गाउँपालिकाका सात जना र नौबहिनी गाउँपालिकाकी एक युवतीको ज्यान गएको थियो ।
दुर्घटनाले सिङ्गो गाउँपालिका शोकमा डुबेको भन्दै आज बिदा दिइएको अध्यक्ष विष्णुकुमार गिरीले जानकारी दिए ।
यस्तै गाउँपालिकाले दुर्घटनामा ज्यान गुमाएकाका आफन्तलाई प्रति मृतक ५० हजार रुपैयाँका दरले राहत रकम दिने पनि निर्णय गरेको छ ।
प्रकाशित मिति : २०७८ माघ २३ गते आइतवार
